| غمِ حسین میں رونا بڑی عبادت ہے |
| دلوں میں یاد کا رہنا بڑی سعادت ہے |
| ہمارے قلب میں دنیا میں اور جنت میں |
| حسین ابن علی آپ کی سیادت ہے |
| چلے ہیں کربلا نوری گھرانے والے سب |
| امام وقت کے ہاتھو ں میں ہی قیادت ہے |
| کلام مولا کریں روح کو جلا بخشیں |
| لبِ حسین کا ہر لفظ ہی طہارت ہے |
| حسین نسبتو ں میں اعلی ارفع اولی ہیں |
| وہ جن کے بابا کو تکنا بھی اک عبادت ہے |
| حیات پاک ہے ان کی نبی کا آئینہ |
| عظیم ابن علی آپ کی شہادت ہے |
| ہمیں تو کام نہیں ان کے دشمنوں سے کوئی |
| ہمیں تو دشمنِ شبیر سے عداوت ہے |
| ہمیں نصیب ہے اصحاب با وفا کی وفا |
| نبی کی آل سے مودت ہمیں نہایت ہے |
| بنایا یاد کا مسکن ذیشان نے دل کو |
| غمِ حسین میں دنیا کے غم سے راحت ہے |
معلومات