| بیماری دل کی دیکھ بھی پاؤ گے یا نہیں |
| گھر میں طبیب اب بھی بلاؤ گے یا نہیں |
| کب تک رہو گے ضدّ و تعصّب میں ڈوبتے |
| جب اُس کا حکم آئے گا جاؤ گے یا نہیں |
| تقدیر ایک دن تمہیں بے بس کرے گی جب |
| سر اس کے سامنے بھی جھکاؤ گے یا نہیں |
| اُس نے تو بار بار ہے ٹھنڈا کیا اسے |
| اپنی جلائی آگ بجھا ؤ گے یا نہیں |
| عادی ہیں زخم کھانے کے ہم اس کے پیار میں |
| تر کش سے اور تیر چلاؤ گے یا نہیں |
| ہم پی رہے ہیں میکدے میں کب سے دوستو |
| ساقی سے کہہ کے دیکھو پلاؤ گے یا نہیں |
| بھاری نشان دیکھ کے قائل جو دل ہوا |
| اُس دل کا بوجھ ہم سے بٹا ؤ گے یا نہیں |
| کب تک سراب دیکھ کے بھٹکو گے دشت میں |
| یاں آ کے تشنگی کو مٹا ؤ گے یا نہیں |
| عیسیٰ کے انتظار میں کب تک رہو گے تم |
| تربت پہ اس کی پھول چڑھاؤ گے یا نہیں |
| وہ آگیا مسیح بدلنے تمہارے دل |
| اب اس کا جشن مل کے منا ؤ گے یا نہیں |
| طارق ہوا فریفتہ ہے اس کو دیکھ کر |
| تم بھی اب اس سے دل کو لگاؤ گے یا نہیں |
معلومات