| کرگیا پھر سے جنونِ فتنہ خیز |
| پردۂ عقل و خرد کو تار تار |
| ہے گرفتارِ من و تو روز و شب |
| عہدِ نو میں ملتِ گردوں وقار |
| مدرسہ ناموسِ ملت کا امیں |
| مدرسہ ملک و وطن کا ہے وقار |
| مقصدِ تعلیم جز تعمیر نیست |
| ہے یہی گل کے لیے فصلِ بہار |
| اہل دانش کی کرم فرمائی سے |
| بندہ ہے تعلیم ، فن پروردگار |
| چھین لی تعلیم کی شان و شکوہ |
| دے کے عصرِ نو نے فکرِ کسب و کار |
| کچھ نہ کچھ فتنے اٹھے ہر دور میں |
| عہدِ حاضر میں فریبِ روزگار |
| صاحبِ دل کے لیے یہ موت ہے |
| اختلافِ فکر و فن اے کم عیار |
معلومات