| وفا کی راہ میں اک دو گھڑی سستا کے چلتے ہیں |
| ذرا دم لو مسافت ہے بڑی سستا کے چلتے ہیں |
| چلے ہیں رفتہ رفتہ منزلیں طے کر ہی جائیں گے |
| تمہیں کیوں ہے بڑی جلدی پڑی سستا کے چلتے ہیں |
| ٹھہر جاؤ ذرا دم لو رکو کچھ تازگی آئے |
| ابھی ہیں جھیلنی کتنی کڑی سستا کے چلتے ہیں |
| وفا کی منزلوں میں تپتے صحرا ہیں بگولے ہیں |
| یہ راہیں کب ہیں سیاروں جڑی سستا کے چلتے ہیں |
| حبیب ہر اک خطر کا جائزہ لینا ضروری ہے |
| مصائب ہیں لڑی اندر لڑی سستا کے چلتے ہیں |
معلومات