| اے نبیوں کے سلطاں مدینے بلالیں |
| نبی جی یہ دِل جاں مدینے بلالیں |
| اٹھاؤں مزے میں حضوری کے دائم |
| سخی نورِ عرفاں مدینے بلالیں |
| ہے بطحا میں ملتی گراں کامرانی |
| ہوں معیوبِ عصیاں مدینے بلالیں |
| ہے ملجا حزیں کا مدینے میں پورا |
| مجھے جانِ جاناں مدینے بلالیں |
| یہ سانسیں حبیبی مجھے دان تیرا |
| اے محبوبِ رحمٰں مدینے بلالیں |
| میں کھویا ہوں ہادی یہ دنیا ہے صحرا |
| کرے غم پریشاں مدینے بلالیں |
| اے سِدرہ کے راہی اے اللہ کے مہماں |
| سخی شاہِ شاہاں مدینے بلالیں |
| مجھے نفس و شیطاں نے گھیرا ہوا ہے |
| زیاں کار انساں مدینے بلالیں |
| میں جیون مٹاؤں اسی راہ میں ہی |
| اے برہانِ یزداں مدینے بلالیں |
| خدا کے اے دلبر رسولوں کے سرور |
| سخی شانِ ذیشاں مدینے بلالیں |
| یہ محمود عاصی حزیں ہے سدا جو |
| ہے عاجز پشیماں مدینے بلالیں |
معلومات