| ذکرِ وصلِ یار سے دل میں اٹھی شوریدگی |
| ہجر کے موسم میں آتی ہے نظر نم دیدگی |
| پوچھتے ہو کیا سبب چہرہ اتر جانے کا ہے |
| تیرا غم ہے تیری یادیں باعثِ رنجیدگی |
| جب کبھی پندار ٹوٹا ہے سمجھ آئی ہمیں |
| زندگی نے دکھ دئے تو آ گئی سنجیدگی |
| تیرا چہرہ سامنے آ کر کرے تسکینِ دل |
| ہم پہ بیداری میں بھی طاری رہے خوابیدگی |
| اب کے آثارِ بہاراں ہم کو بھی آئے نظر |
| دشت میں خارِ مغیلاں پر بھی ہے روئیدگی |
| آسماں سے آشنا طارق ہوئے ان کے سبب |
| ہے سکھائی امتحانوں نے ہمیں بالیدگی |
معلومات