.jpg)
| بیکسوں نے جسے پُکارا ہے |
| یا نَبیؐ وہ کَرم تُمہارا ہے |
| جب سے چھوڑا تِرے وَسیلے کو |
| حال اَبتَر ہُوا ہمارا ہے |
| تیری حُرمت پہ پہرا دینا تھا |
| تیرے دشمن سے سب کا یارا ہے |
| ہاتھ ٹُوٹیں تِرے حَریفوں کے |
| رَب نے اُن کو غَضَب سے مارا ہے |
| نَفسا نَفسی کے ایسے عالَم میں |
| جائے تَسکیں تِرا دوارا ہے |
| دل اَغِثْنِیْ پُکارے جاتا ہے |
| استغاثہ ہی اَب سہارا ہے |
| دید بخشیں غُلاؔم کو آقاؐ |
| کہہ دیں تُو بھی ہمیں پیارا ہے |
معلومات