| کلمۂِ حق جب سنایا ہے خلیل اللہ نے |
| ظلم کو جڑ سے مٹایا ہے خلیل اللہ نے |
| چل دیئے بیباک ہوکے آتشِ نمرود میں |
| عشق کا مطلب بتایا ہے خلیل اللہ نے |
| ابتلائے رب تعالیٰ میں رہے ثابت قدم |
| خواب کو سچ کر دِکھایا ہے خلیل اللہ نے |
| کفر کے ماتھے پہ جس نے گاڑا وحدت کا ستون |
| اہلِ باطل کو جھکایا ہے خلیل اللہ نے |
| جان و تن اولاد و زوجہ سب سپردِ رب کئے |
| شہرِ مکّہ کو بسایا ہے خلیل اللہ نے |
| اقتضائے رب کی خاطر سر جھکاتا ہے پسر |
| واہ کیا فرزند پایا ہے خلیل اللہ نے |
| زلزلہ ایوانِ باطل میں تصدق آ گیا |
| حق کا جب نعرہ لگایا ہے خلیل اللہ نے |
معلومات