| یہ عید ہو مبارک اہلِ جہان کو |
| ظلم و ستم کی ماری ہر ایک جان کو |
| کڑھتے ہوۓ دلوں کو دکھتی زبان کو |
| بیتاب ماؤں و بہنوں کے آہ و فغان کو |
| ہر درد مند دل کو ہر مہربان کو |
| یہ عید ہو مبارک اہلِ جہان کو |
| اکھڑی ہوئی سڑک کو اجڑے مکان کو |
| دیوار و در پہ بکھرے خوں کے نشان کو |
| ملت پہ کٹ مرا جو اس نوجوان کو |
| ناموسِ قومِ مسلم کے پاسبان کو |
| یہ عید ہو مبارک اہلِ جہان کو |
| اہلِ ہوس کی جھوٹی اس آن بان کو |
| اسلامیوں کے بے حس ان حکمران کو |
| ایران و مصر و ترک و ہندوستان کو |
| ظلم و ستم کا شاہد اس آسمان کو |
| یہ عید ہو مبارک اہلِ جہان کو |
| نامہ نگارِ شہرِ ستم مردمان کو |
| مخدوش جان چور جسم کوچوان کو |
| صبر و رضا کے خوگر اُس کاروان کو |
| عزم و جنوں کے پیکر اِس خوشگمان کو |
| یہ عید ہو مبارک اہلِ جہان کو |
| اہل قلم کی بکھری ہوئی داستان کو |
| الفت میں دل جلاۓ ہوۓ عاشقان کو |
| مجھ سے ہوا جو بدظن اس بدگمان کو |
| اس کو بھی جو عزیز ہے دل و جان کو |
| یہ عید ہو مبارک اہلِ جہان کو |
معلومات