| آپ ہی کے غم نے مارا یا نبی |
| ہو کرم ہم پر خدارا یا نبی |
| بے حجاب و روبرو اللہ کا |
| آپ نے پایا نظارہ یا نبی |
| ہم کو مولیٰ کے نظارے کے عوض |
| آپ کے رخ کا نظارہ یا نبی |
| آپ کے دیدار کو ہر ہر نَفَس |
| دل ہوا ہے پارا پارا یا نبی |
| آپ کے دیدار سے تابندہ ہو |
| ہر مقدر کا ستارہ یا نبی |
| آپ ہیں رحمت لقب، فر مایئے |
| ایک رحمت کا اشارہ یا نبی |
| آپ کے ادنیٰ اشارے سے شہا |
| کام ہوتا ہے ہمارا یا نبی |
| گر نہ ہو ہم پر کرم ہوجائیں ہم |
| دو جہاں میں بے سہارا یا نبی |
| خوش نصیبا آپ کی امّت ہیں ہم |
| آپ پر ہے ناز سارا یا نبی |
| راحت و تسکین ہوجائیں عطا |
| آپ کو دل نے پکارا یا نبی |
| آپ کا ادنیٰ بھیکاری ہے ذکیؔ |
| دیجیئے صدقہ اُتارا یا نبی |
معلومات