| حسیں محفل کسی دن سجاتے ہیں |
| غزل اپنی تمہیں پھر سناتے ہیں |
| بلا کر تو کبھی دیکھنا ہم کو |
| کِیا وعدہ نبھا کے دِکھاتے ہیں |
| محبت ہو چلی رسمی ہے جب سے |
| "لگانے کو سبھی دل لگاتے ہیں" |
| بھروسہ اُن پہ ہرگز نہ کرنا ہے |
| دِکھاوے کے جو آنسو بہاتے ہیں |
| کریں پابندی اعمال کی ہر وقت |
| یہی شیطاں سے ہم کو بچاتے ہیں |
| مقامِ خاص جو پاتے ہیں بندے |
| دعائیں اپنی رب سے مناتے ہیں |
| اذیت جھیلنے والے ہی ناصؔر |
| اثر اپنا کبھی تو بتاتے ہیں |
معلومات