| جلد ہی دور تشنگی ہوگی |
| چارسو میرے روشنی ہوگی |
| میں مدینے کی اور جاؤں گا |
| پھول جیسی یہ زندگی ہوگی |
| اب کرم کی نظر ہو جائے گی |
| غم کی یہ رات آخری ہوگی |
| جانتے حالِ دل مرا آقاﷺ |
| دیکھنا جلد حاضری ہوگی |
| اس زمانے سے نا ہوگا مطلب |
| بس مدینے کی آ گہی ہوگی |
| جب ملاقات کی گھڑی آئے |
| شرم سےآنکھ بھی جھکی ہوگی |
| تحفےمیں اشک دےسکوں گابس |
| یا فقط میری عاجزی ہوگی |
| دور رہ کر مدینے سے راحت |
| گر ملی بھی تو عارضی ہوگی |
| شرف مجھ کو ملا غلامی کا |
| بس اسی میں ہی خسروی ہوگی |
| رنگِ احمد میں گر میاؔں رنگے |
| دور تب ہی یہ گندگی ہوگی |
| میاؔں حمزہ |
معلومات