اے عظمت و بزرگی کے مینار السلام |
اے تابناک دین کے سالار السلام |
جو تن تنہا یزیدیوں سے سینہ سپر ہوئے |
اے فاطمہ و علی کے جگردار السلام |
کیا بھوک و پیاس، کیا لو تپش، سب ہی سہ گئے |
اے کربلا میں بر سر پیکار السلام |
نیزہ پہ مسکراتا ہوا سر گواہ تھا |
اے آخرت کی چاہ میں سرشار السلام |
پیارے نبی کے پیارے نواسے کو السلام |
اے خلد میں شباب کے سردار السلام |
نانا ؐ کی گود میں پائی ناصؔر تھی پرورش |
اے نیک و پارسا و حیادار السلام |
معلومات