| رونق جہاں میں ساری دلبر سے آ رہی ہے |
| جن کے ذکر سے ہر دم ہستی میں تازگی ہے |
| ہر جان کی ہی راحت مدحت حبیبِ رب ہے |
| یادِ نبی اے ہمدم ہر حال میں خوشی ہے |
| مجھ کو بھی اب بلالیں روضہ پہ یا حبیبی |
| اک روپ کی تجلی عاصی نے دیکھنی ہے |
| بڑھ کر ہیں خوب سے بھی بطحا کے سارے منظر |
| اس میں جو خوب تر ہے وہ یار کی گلی ہے |
| بے سود اس کو لگتا تاجِ شہی ہے ہمدم |
| حبِ نبی کی دولت جب بھی جسے ملی ہے |
| ہیں بھائی بھائی وہ جو دشمن تھے جان کے بھی |
| دولت یہ ان کو ساری ہی مصطفیٰ نے دی ہے |
| ہیں دور ظلمتیں سب آغازِ صبحِ نو ہے |
| رونق چمن میں اس سے خوش اس سے ہر کلی ہے |
| سب سے سجا یہ گلشن جانِؐ بتول کا ہے |
| حسن و حسین گل ہیں مالی جلی علی ہے |
| محمود خیر سے ہی اُن کا کرم ہے مجھ پر |
| سب سے سخی دہر میں بھی مصطفیٰ نبی ہے |
معلومات