| خاموش تھے جو نیک مرے کام دیکھ کر |
| گونگے ہیں گویا ہو گئے بدنام دیکھ کر |
| بہرے بھی ناچنے لگے دُھن سُن کے گیت کی |
| گنجے نے سر کھُجا دیا حجّام دیکھ کر |
| پامال آدمی ہوا ہے آدمی کے ہاتھ |
| حیرت ہے خوش بھی ہو غم و آلام دیکھ کر |
| سمجھے تھے جیسے اُن کو خدائی ہے مل گئی |
| اب چپ ہیں سارے گردشِ ایّام دیکھ کر |
| کس نے کیا رواں انہیں گردش میں چار سُو |
| آتی نہیں سمجھ کسے اجرام دیکھ کر |
| مجھ کو حقیر جان کے دھتکارتا تھا وہ |
| حیراں ہوا ہے اب مرا اکرام دیکھ کر |
| یوں تو نہیں تھا شوق اسے شاعری کا پر |
| ٹپکی ہے اس کی رال بھی انعام دیکھ کر |
| عرصہ ہوا کہ اس سے ملاقات تھی ہوئی |
| حیراں ہوا ہے آج وہ پیغام دیکھ کر |
| شاعر نے کیا کہا انہیں اس سے غرض نہ تھی |
| سُنتے رہے وہ پیٹھ کے بادام دیکھ کر |
| انصار تک سمجھ میں ہمیں آ گئی تھی بات |
| جی خوش ہوا مرا یہاں خدّام دیکھ کر |
| ان کی امید پر تو لگے اوس پڑ گئی |
| سمجھے تھے ہوں گے خوش مجھے ناکام دیکھ کر |
| طارق فریبِ عشق سے کتنے ہوئے خراب |
| پیچھے ہٹے نہیں مگر انجام دیکھ کر |
معلومات