| اک عرض کرے یہ مستانہ |
| اُس یار سجن کا دیوانہ |
| کچھ دور ہے اُن کا کاشانہ |
| بِن یار چمن ہے ویرانہ |
| یہ سارے دہر سے بیگانہ |
| اک عرض کرے یہ مستانہ |
| یہ اُن سے منور ہستی ہے |
| سب جن کی وجہ سے مستی ہے |
| کل گردوں ہے اُن کا پروانہ |
| اک عرض کرے یہ مستانہ |
| جو سب سے سخی تر سرور ہیں |
| وہ سب سے غنی ہیں دلبر ہیں |
| حق سچ ہے انہی کا فرمانا |
| اک عرض کرے یہ مستانہ |
| وہ خلقِ خدا میں بہتر ہیں |
| جو دونوں جہاں میں مہتر ہیں |
| ہے دینِ مبیں اُن کا کہنا |
| اک عرض کرے یہ مستانہ |
| کیا خوب جو رتبے اعلیٰ ہیں |
| ہر حال میں سب سے بالا ہیں |
| کل عمدہ ہے اُن کا میخانہ |
| اک عرض کرے یہ مستانہ |
| اے ساقی میرے وہ جام ملے |
| اک دید سجن سرِ عام ملے |
| ہو ظرف کو حاصل پیمانہ |
| اک عرض کرے یہ مستانہ |
| کر ذکر جلی محمود ذرا |
| ہے دیدِ سجن مقصود بڑا |
| بَن نورِ نبی کا پروانہ |
| اک عرض کرے یہ مستانہ |
معلومات