| *غزل* |
| دل کا اجڑا گھر بسا کر چل دئے |
| آئنہ خود کو دکھا کر چل دئے |
| گھر کے اندر اور کچھ ساماں نہ تھا |
| تیری تصویریں اٹھا کر چل دئے |
| کراس وے پر آنے والوں کے لئے |
| دائرہ دھندلا بنا کر چل دیے |
| کردیا رخصت بھی اپنے آپ کو |
| اک پتا اپنا بتا کر چل دئے |
| راہ یابی کا کوئی امکاں نہ تھا |
| راستے سارے ہٹا کر چل دئے |
| جوڑ کر پل پل کا رکھا تھا حساب |
| گن کے سارے خط جلا کر چل دئے |
| تر بہ تر تھا پیرہن شیدؔا ترا |
| سوزشِ جاں پہ سُکھا کر چل دئے |
معلومات