| سرکار مصطفیٰ جب در پر بلائیں گے |
| پھر رازِ دل سخی کو آنسو سنائیں گے |
| زادِ سفر نہیں ہے راہوں سے بے خبر |
| ہر کام میرے محسن میرا بنائیں گے |
| ان جالیوں سے میں بھی پلکیں لگاؤں گا |
| اس آس میں کے آقا تشریف لائیں گے |
| مسجد میں بیٹھوں گا پھر اس انتظار میں |
| دیدار پیارے دلبر اپنا کرائیں گے |
| صورت یہ مصطفیٰ کو کیسے دکھاؤں گا |
| چھپ کر میں دیکھ لوں گا وہ مسکرائیں گے |
| قابل نہیں ہوں اس کے دیدار کر سکوں |
| چاہوں مگر وہ اپنا چہرہ دکھائیں گے |
| ہیں قبر حشر میزاں دشوار گھاٹیاں |
| یہ پار منزلیں سب ہادی کرائیں گے |
| چہرے پہ میرے یارو اوڑھے نقاب ہو |
| آقا لحد پہ میری تشریف لائیں گے |
| پوری خبر نبی کو میدانِ حشر کی |
| دامن میں مصطفیٰ ہی امت چھپائیں گے |
| جرم و گناہ سے گو نامہ ہے داغ دار |
| اس پار پل سے مجھ کو رہبر لے جائیں گے |
| کب نام ہے بھلوں میں کب کام ہیں بھلے |
| محمود ان کو یہ منہ کیسے دکھائیں گے |
معلومات