| راہوں کو خار پایا ہر دل کو خوار پایا |
| ہم نے نہ پیار پایا نے اعتبار پایا |
| جن کو بہت گماں تھا چاہت پہ اپنی ہر دم |
| ان کو ہی ہم نے اکثر یاں اشکبار پایا |
| گزری ہے تنہا دیکھو یہ زندگی ہماری |
| افسوس ہے کہ ہم نے اک بھی نہ یار پایا |
| مدہوش عشق میں تھے جب ہم کو ہوش آیا |
| سینے کو چاک دیکھا دل کو فگار پایا |
| ہم کو تو کچھ بتاؤ کیا بات ہوگئی ہے |
| جب بھی ملیں ہیں تم سے تم کو بِمار پایا |
| ہجراں کا بھی اثر کچھ ہوتا نہیں ہے دل پر |
| ہمت سے حوصلے سے دل کو حصار پایا |
| محنت کرو ہمیشہ بے خوف ہو کے غم سے |
| جس نے بھی محنتیں کی اس نے وقار پایا |
| دل کشتہ ہو گیا تھا لیکن ہے شکر تیرا |
| تیرے سخن سے دل نے پھر سے شرار پایا |
| دشمن یہ کہہ رہا تھا کیا ہم کو جانتے ہو |
| تحقیق کی ذرا تو مشتِ غبار پایا |
| حسانؔ مدتوں سے بستا اجڑتا دل تھا |
| آخر اجڑ ہی جانا دل کا قرار پایا |
معلومات