| عجیب کیوں تجھے لگتا ہے بولتا ہوں میں |
| کہ میٹھا رس ترے کانوں میں گھولتا ہوں میں |
| میں غور و فکر جو کرتا ہوں کائنات پہ خود |
| بتائے راز ہیں اس نے جو کھولتا ہوں میں |
| کسی کی آنکھوں سے پیتا ہوں مے جو عرفاں کی |
| نشے میں اُڑ کے فضاؤں میں ڈولتا ہوں میں |
| فریب کار بھلا اس کی قدر کیا جانیں |
| صداقتوں کے خزانے جو رولتا ہوں میں |
| یہ کہہ کے ڈال کے سوچوں میں وہ روانہ ہوا |
| کہ وہ خیال ہی جس کا نہ مول تھا ہوں میں |
| ہے اعتراض مرے بولنے پہ طارق کیوں |
| کہ جو بھی بات کروں پہلے تولتا ہوں میں |
معلومات