ہر گھڑی شکوہ و گلہ صاحب |
آپ کو ہو گیا ہے کیا صاحب |
ُٓآپ بھی کیجئے کبھی روشن |
اپنے خوں سے کوئی دیا صاحب |
بل جبیں کے کبھی نہ جائیں گے |
ہم نے کیا ایسا کہہ دیا صاحب |
کھولئے در کہ صبح کا بھولا |
شام کو گھر تو آگیا صاحب |
دل یہ جیتا تو کیسے جی پاتا |
اور وہ بھی ترے بنا صاحب |
کیا کہا پھر کہیں ذرا پھر سے |
میرا سب کچھ ہے آپ کا صاحب |
وہ جو ہر اک پہ عام ہو جائے |
چھوڑ دیجے وہ راستہ صاحب |
آپ میرے ہیں کچھ گمان ایسا |
کیوں مرے دل میں آ گیا صاحب |
کہہ نہ پائے کبھی حبیب ان سے |
جانے کیوں دل کا مدعا صاحب |
معلومات