| نہیں نیند آتی کبھی ساری رات |
| تمہارے بنا یونہی گزری حیات |
| ہوئی تم کو پانے کی خواہش جو اب |
| نہ لغزش میں آئے گا پائے ثبات |
| ہیں تخلیق تیری یہ بندے ترے |
| تُو مالک ہے اے خالقِ کائنات |
| نہیں حوصلہ گر ہمیں دید کا |
| تعلّق تو ہو کچھ کرو ہم سے بات |
| سفر زندگی کا یہ آساں نہیں |
| اگر تیرے ہاتھوں میں ہو یہ نہ ہات |
| نہ اس کے سوا اب تمنّا رہی |
| جہاں ہوں ملے اب تمہارا ہی سات |
| ترے پاک بندوں کی صحبت ملے |
| تُو راضی ہو ہم سے جب آئے وفات |
| سکوں اب ہو طارق میسّر ہمیں |
| گناہوں سے مل جائے ایسی نجات |
معلومات