| شافعِ اُمتؐ کی مَیں نِگاہ مِیں آیا |
| بندہِ عاصی تو اب پَناہ مِیں آیا |
| کیسے دماغ آسمان پر نہ ہو اِس کا |
| پائے نبیؐ کا ہے نور ماہ مِیں آیا |
| طلعتِ زیبا کی دید کرنے کی خاطر |
| حشر تلک بندہ تیری چاہ مِیں آیا |
| نعتِ محمد تمام زندگی لِکّھی |
| پھر کہیں جا کے مَیں عِزُّ و جاہ مِیں آیا |
| پھر تو خدا بھی معاف کر دے گا اُس کو |
| سبطِ نبیؐ جس کے خیر خواہ مِیں آیا |
| جاہ و حَشَم جو مِلا ہے تیرے گَدا کو |
| جاہ و حَشَم وہ نہ بادشاہ مِیں آیا |
| اُس کو نویدِ نجات مل گئی شاہؔد |
| جو شَہِ بطحا کی بارگاہ مِیں آیا |
معلومات