| اب تَذْکِرَہ وفا پہ ملاقات ختم شد |
| دل میں جو تھا وہ کہہ دیا اب بات ختم شد |
| کرنا اگر ہے عشق تو یہ سوچ کر کرو |
| تم کھو گئے جو عشق میں تو ذات ختم شد |
| جس شخص کے فراق میں گزری ہے زندگی |
| مل جاتا وہ تو ہجر کی ہر رات ختم شد |
| ہم نے بھی اپنے دل سے اسے دور کر دیا |
| جس دن ہوئی تھی یاد کی سوغات ختم شد |
| دیدار کا وہ لمحہ بڑا دلنشیں لگا |
| اک پل میں عمر بھر کی شکایات ختم شد |
| اب اُس کے بعد دل کو کسی کی طلب نہیں |
| وہ بچھڑا اس ادا سے کہ جذبات ختم شد |
| ©شاعر: ساگرحیدرعباسی |
معلومات