| صفت آزاد خاکی ہوں رہوں کیوں کر میں بندش میں |
| میں شاہؔی ہوں روایاتِ اسیری توڑ جاؤں گا |
| دلِ کوہِ ہمالہ کو بھی دہلادے جو ہیبت سے |
| بنا کر ذرۂ خاکی کو میں شہ زور جاؤں گا |
| مرے بپھرے ہوئے موجوں کی طغیانی ذرا دیکھو |
| کہ تند و تیز دریا کا بھی میں رخ موڑ جاؤں گا |
| نہیں میں موجِ حیراں جو کہیں دب کر ہی رہ جائے |
| وہ طوفاں ہوں سمندر میں مچا کر شور جاؤں گا |
| مجھے روکو گے کیسے گلستاں کو خاک کرنے سے |
| میں شعلہ ہوں بجھا بھی دو شرارہ چھوڑ جاؤں گا |
| اگر اس گلستاں میں آشیاں نہ ہو تو کیا غم ہے |
| بنا کر راہِ منزل پھر کسی بھی اور جاؤں گا |
معلومات