| عشق و جنوں بھری داستاں یاد آگئی |
| رہتی کبھی تھی وردِ زباں یاد آگئی |
| ماضی کا اک دریچہ ءِ جورو جفا کھلا |
| صبحِ بہار شامِ خزاں یاد آ گئی |
| دیکھا فلک پہ چودھویں کا چاند تو ہمیں |
| اک ماہتاب جانِ جہاں یاد آگئی |
| ان تدرک القمر کی تلاوت پہ تھم گیا |
| رشکِ قمر اے عاصی کہاں یاد آ گئی |
| سوچا جو روٹھے یار کو جا کر منا لیں ہم |
| رہ میں انا ہے سنگِ گراں یاد آ گئی |
| ٹوٹا جو ایک دیس ہوئی پھر سے چشم نم |
| ٹوٹا تھا اپنا ہندو ستاں یاد آ گئی |
| آ کر دیار غیر میں بھولے زباں سحاب |
| بزمِ سخن میں اردو زباں یاد آگئی |
معلومات