| ہم کو ہماری شکل سے پرکھا نہ کیجئے |
| ہم بے کسوں کو یونہی رلایا نہ کیجئے |
| ہم تو تمہارے پیار کے پیاسے ہیں دوستوں |
| اک پل میں ہم کو ایسے پرایا نہ کیجئے |
| آتش جو جل اٹھی ہے محبت کی ہر طرف |
| اس آگ کو کبھی بھی بجھایا نہ کیجئے |
| بے لوث ہیں وفائیں مری ذات میں سدا |
| ہم کو ہمارے عشق میں جانچا نہ کیجئے |
| جذبات میرے دل میں مچلتے ہیں اس قدر |
| مجھ کو نگاہِ ناز سے دیکھا نہ کیجیے |
| کب کون راستے میں یہاں ساتھ چھوڑدے |
| ہر ایک پر یہاں پہ بھروسہ نہ کیجئے |
| گرگٹ بسے ہیں لوگوں کی طینت میں آج کل |
| حسانؔ بھید اپنا بتایا نہ کیجئے |
معلومات