امیرِ وقت ہے سکّہ جمانے روز آتا ہے |
ہماری بے بسی پر مسکرانے روز آتا ہے |
مجھے افسردہ کر دیتا مِرے ماضی کا اک قصہ |
تصور میں حسیں چہرہ رلانے روز آتا ہے |
زمانے میں بہت مشہور ہے جو بے وفا کرکے |
وہی رسمِ وفا ہم کو سِکھانے روز آتا ہے |
کبھی ہندو کبھی مسلم کہیں مندر کہیں مسجد |
دلوں میں آگ نفرت کی لگانے روز آتا ہے |
پڑوسی ملک کا دشمن تمہیں مسمار کردے گا |
ہمارے ملک کا حاکم ڈرانے روز آتا ہے |
میں برسوں سے چلا لیکن مِری منزل نہیں آئی |
جو اندھا ہے مجھے رستہ دِکھانے روز آتا ہے |
پسِ پردہ تباہی پر تصدق شادماں ہوتا |
دِکھاوے کے لئے آنسو بہانے روز آتا ہے |
معلومات