| ہوں خار کس کی نگہ میں کھٹک رہا ہوں میں |
| ہوں اشک آنکھ سے کس کی ڈھلک رہا ہوں میں |
| اب اُس کے آنے کا امکان ہی نہیں باقی |
| نہ جانے کیوں ابھی رہ اُس کی تَک رہا ہوں میں |
| کوئی تو آ کے مجھے روکتا یہ سمجھاتا |
| اگر جُنوں میں خُرافات بَک رہا ہوں میں |
| ثمر گرے تھے جو آندھی میں ہو گئے برباد |
| لگا ہوں شاخ سے اب تک تو پک رہا ہوں میں |
| کلام سن کے میں شاعر کو بھانپ لیتا ہوں |
| سُخن شناس نہیں اس میں شک رہا ہوں میں |
| عدُو جو گالیاں دینے کو کہہ رہا ہے ثواب |
| سمجھ رہا ہے کہ شاید بھٹک رہا ہوں میں |
| سفر کٹھن ہے کبھی ڈر تو یہ بھی لگتا ہے |
| نہ صبح آنکھ کھُلی گر کہ تھک رہا ہوں میں |
| ہے اس کے لطف و کرم کی نظر پڑی طارق |
| سمیٹے چاہ کی خوشبو مہک رہا ہوں میں |
معلومات