| کرم کی ہو بارش عطا یا الٰہی |
| گناہوں سے مجھ کو بچا یا الٰہی |
| ہو ایمان کامل ہو ایقان کامل |
| توکل تو کر دے عطا یا الٰہی |
| ریا سے خدایا بچا کر ہمیشہ |
| تو مخلص بنا ، ہے دعا یا الٰہی |
| ہو نیکی میں رغبت گناہوں سے نفرت |
| مجھے متقی تو بنا یا الٰہی |
| پڑھوں شوق سے میں نمازیں خدایا |
| محبت میں ایسی گما یا الٰہی |
| ہو نیچی نگاہیں مِری کاش ہر دم |
| ہو سنت یہ مجھ سے ادا یا الٰہی |
| میں آتا رہوں تیرے گھر پر ہمیشہ |
| تو ہر سال حج پر بلا یا الٰہی |
| قناعت میں گزرے مِری زندگانی |
| مِرے غوث کا واسطہ یا الٰہی |
| ہو مجھ کو عطا علمِ نافع کی دولت |
| رضا کا ہو صدقہ عطا یا الٰہی |
| ضیا پیر و مرشد کے صدقے میں مولا |
| سیاہی تو دل کی مٹا یا الٰہی |
| پئے مرشدی کر کرم کی عطا یوں |
| ولایت ہو مجھ پر فشا یا الٰہی |
| عبادت ہی کرتا رہے کاش ہر دم |
| ہو یہ نور تجھ پر فنا یا الٰہی |
معلومات