| کتنے مخمور ہیں محفل میں ترے آنے سے |
| پی ہے دو گھونٹ ترے سُرمگیں میخا نے سے |
| لوگ کہتے ہیں جو دیوانہ انہیں کہنے دے |
| مجھ کو مطلب ہے فقط تیری رضا پانے سے |
| منتظر اور ہے اس پار جہاں تیرے لئے |
| فرق کیا دنیا میں پڑتا ہے ترے جانے سے |
| تیری تخلیق عبث تو نہ ہوئی تھی آخر |
| یاد رکھ کوئی تو مقصد تھا یہاں لانے سے |
| دور تک پھیلا ہوا جو ہے ثمر دار شجر |
| تخم ریزی تو ہوئی اس کی بھی اک دانے سے |
| فکرِ فردا سے ہو آزاد اسے آج اُٹھا |
| بوجھ کل کون اتارے گا ترے شانے سے |
| باغباں ہم تھے سمجھتے ہیں وہ اب خارِ چمن |
| پیڑ سے کیا انہیں مطلب تو ہے پھل کھانے سے |
| خوابِ غفلت سے جگایا تو برا مان گئے |
| شکوہ اے سمعِ خراشی ہے مرے گانے سے |
| طارق ہم ان کی محبّت میں ہوئے نغمہ سرا |
| تیغ ہم پر ہی نظر آتے ہیں وہ تانے سے |
معلومات