| سب کچھ لٹا دیا تو وہیں سجدہ کر دیا |
| کچھ ہاتھ نا رہا تو وہیں سجدہ کر دیا |
| اک مان تھا کہ اپنے سبھی ساتھ آئیں گے |
| تنہا رہا کھڑا تو وہیں سجدہ کر دیا |
| رب تھا مرےقریب میں بھی رب کےپاس تھا |
| اس راہ پر چلا تو وہیں سجدہ کر دیا |
| اب راہِ حق پہ خون ضروری ہوا مرا |
| معلوم یہ ہوا تو وہیں سجدہ کر دیا |
| ہر ایک ظلم سہہ کے بھی ثابت قدم رہا |
| رب کا کرم ملا تو وہیں سجدہ کر دیا |
| دنیا کے رنج سہہ کے سفر آخری میاؔں |
| آسان ہو گیا تو وہیں سجدہ کر دیا |
| میاؔں حمزہ |
معلومات