| کل شبِ ہجر سے , اک ملاقات تھی |
| چاند جلتا رہا , چاندنی رات تھی |
| دشت ویران تھا , صبر حیران تھا |
| زخم روتے رہے , غم کی بارات تھی |
| سب ستارے رہے , ساتھ نوحہ کناں |
| آسماں زرد تھا , جانے کیا بات تھی |
| اک نگاہِ کرم , پھر ہوئی ہم قدم |
| سب سنورنے لگا , یہ کرامات تھی |
| بھید کُھلنے لگے , زخم سِلنے لگے |
| رقصِ بسمل ہوا , ساتھ برسات تھی |
| دل سنبھلنے لگا , رُت بدلنے لگی |
| تیرے آنے تلک , رات ہی رات تھی |
| میں بکھرتا گیا , فن نکھرتا گیا |
| اُس دریچے سے پائی یہ سوغات تھی |
| خواب میں وہ ملے ہم نے کیے گلے |
| خوب سے خوب تر یہ ملاقات تھی |
| اسطرح سے محبت میں 'یاسر' جیا |
| عشق مذہب رہا , عاشقی ذات تھی |
معلومات