نبی میرے ہستی کے سلطان ہیں |
وہ رب کے ہیں پیارے وہ ذیشان ہیں |
انہی سے دہر کا یہ گلشن سجا |
بنا نور جن کا جہاں کی بنا |
بنے شمعِ محفل وہ میثاق میں |
صفِ انبیا کے ہیں اسباق میں |
ہیں مولا کا مومن پہ احسان وہ |
بڑی سب سے رب کی ہیں برہان وہ |
وہی ساری ہستی کے دل جان ہیں |
بنے کبریا کے بھی مہمان ہیں |
ہے رحمت خدا نے بنایا انہیں |
زمیں سے دنیٰ میں بلایا انہیں |
ذکر ان کا ہوتا ہے ہاہوت میں |
انہی کا ہی چرچا ہے لاہوت میں |
وحی ان کا ہر ایک فرمان ہے |
ملا ان کو ہی رب سے قرآن ہے |
ہیں محمود درجے نبی کے سوا |
بڑی شان ان کی ذکر ہے علیٰ |
معلومات