| ایک اٹھتی ہوئی دیوار پہ رونا آیا |
| بٹ گۓ لوگ تو گھر بار پہ رونا آیا |
| وصل کے گیت بہاریں تھیں سنایا کرتی |
| ہجر کے تازہ سخن زار پہ رونا آیا |
| زندگی آپ کے اوراق اُلٹنے بیٹھے |
| لفظ آنکھوں میں چبھا پیار پہ رونا آیا |
| دل کی چاہت تھی کہ دریا کی روانی گھیروں |
| عقل کو شوخئِ منجدھار پہ رونا آیا |
| خود پہ ہر دور میں ہنسنے کے سلیقے ڈھونڈے |
| ان کی خاموشیِ گفتار پہ رونا آیا |
| درد کی چیخ سے کوئی نہ تعلق اپنا |
| بس کہ آمادۂِ اظہار پہ رونا آیا |
| آئنہ دیکھ لیا آنکھ ملائی شؔیدا |
| بعدِ مدت کسی بیمار پہ رونا آیا |
معلومات