| باقی تو امتحان کوئی رہ نہیں گیا |
| جائے پنہ مکان کوئی رہ نہیں گیا |
| اب کس بنا پہ ساتھ میں دوں اس کا دوستو |
| رشتہ ہی درمیان کوئی رہ نہیں گیا |
| مہمان ہو کے جاؤں تو ٹھہروں میں اب کہاں |
| اُس گھر میں میزبان کوئی رہ نہیں گیا |
| اٹھتی ہو جس سے روشنی امّید کی کرن |
| کرتا تھا وہ جو دان کوئی رہ نہیں گیا |
| سنتے ہیں عدل کا کہیں ڈنکا بجا کبھی |
| ہے زیبِ داستان کوئی رہ نہیں گیا |
| کس کے بھروسے جاؤں گا اب اپنے گھر کو میں |
| اس میں بھی مہربان کوئی رہ نہیں گیا |
| طارق نصیب میں ہے خوشی جس کے ہے وہ خوش |
| پر شکر و امتنان کوئی رہ نہیں گیا |
معلومات