• تیرے چلے جانے کا خلا 

• اب کبھی پورا نہ ہو پاۓ  گا 

• من کو چیرتی یادیں رہ جایئں گی 

• تیری تصویر دیکھ کر آنکھیں بھر آیئں گی 

• تیری گمشدہ شفقت بہت رلاۓ گی 

• وہ زندہ دلی اب کدھر نظر آۓ گی ؟

• ان بدگمانیوں پر افسوس رہ جاۓ گا 

•  ان کہی باتوں کو کون کہلواۓ گا ؟

• اب بھی کبھی اگر پاؤں پھسل جاتے ہیں 

• بے ساختہ تیرے کلمات یاد آتے ہیں 

• تم نے راہبر بن کر ، چراغ راہ بن کر 

• دکھایا زندگی کا راستہ بادشاہ بن کر 

• اس دل کو ڈھارس نہیں، کوئی جنون نہیں 

• کدھر چلے گیے ہو ؟ اب کوئی سکون نہیں 

• بس اک امید ہے کہ بہتر زمانہ  پایا تم نے 

•  عارضی دنیا کو چھوڑ جنت ٹھکانہ پایا تم نے  

• اب وہاں کوئی کلفت غم نہ ہو گی، وبال نہ ہوں گے 

• مصائب درہم برہم نہیں، دنیاوی جنجال نہ ہوں گے 

• مگر دل مضطر کو پھر قرار ملتا نہیں 

• یاد آتے ہو بے پناہ ، فرار ملتا نہیں 

• یہ لوگ جھوٹے دوغلے مکار ۔۔۔سب لے اڑے 

• کوئی تہمت لگانے لگا 

• کسی کو قربت قرابت یاد آ گیئی 

• کوئی دشنام اندازی پر اتر آیا 

• کسی نے آپ کی ذات کو میزان بنا دیا 

• ان کی چالاکیوں جھوٹ عیاریوں کو جانتے ہوۓ بھی نظر انداز کر دیتا ہوں آخر کو ۔۔۔۔دور کا سہی تعلق تو تھا ۔

• تو زمانہ بدل چکا ہے ، زبان تیز اور ہوس انتہا پر ہے 

• اور میں یہاں، تمہاری قبر کے پاس کھڑا 

• سوچتا ہوں، یہ طوفان سب کچھ لے اڑا 

• وہ باپ جو زمانے میں ایک مثال تھا چلا 

• اسکی جگہ بس رہ چکا ایک اداس خلا 

• اور ...

• تیرے چلے جانے کا خلا 

• اب کبھی پورا نہ ہو پاۓ  گا

• تحریر : کاشف