نعت رسول مقبول ﷺ

ہمیں ہر وقت رہتی یاد ہیں سرکار  ﷺ کی باتیں

بہاروں سے بھرے طیبہ گل و گلزار کی باتیں 

ضرورت جب پڑے اس زندگی کے گھپ اندھیرے میں

منور دل کو کرتی ہیں نبی ﷺ انوار کی باتیں

محبت گفتگو صادق امیں دھیما تبسم بھی

زباں زد عام ہیں آقا ﷺ کے تو کردار کی باتیں

زمیں سے عرش پر محبوب ﷺ رب تشریف لائے ہیں

فرشتے کر رہے نبیوں کے ہیں سردار ﷺ کی باتیں

زباں پر عاشقوں کے اپنے آقا ﷺ کی رہیں ہر دم

حسیں چہرے جبیں آنکھیں لب و رخسار کی باتیں

کبھی تو خواب میں ہو گا مجھے آقا ﷺ کا رب جانے

ہمیشہ لب پہ رہتی ہیں حسیں دیدار کی باتیں

کرے معصوم مدحت آپ ﷺ کی دن رات چاہت میں

کوئی پہنچانے سرور ﷺ کو مرے اس پیار کی باتیں

انعام الحق معصوم صابری