مہر کی تجھ سے توقع تھی ستمگر نکلا - میر تقی میر - عروض

27 دسمبر
غزل

میر تقی میر

مہر کی تجھ سے توقع تھی ستمگر نکلا

موم سمجھے تھے ترے دل کو سو پتھر نکلا

داغ ہوں رشک محبت سے کہ اتنا بیتاب

کس کی تسکیں کے لیے گھر سے تو باہر نکلا

جیتے جی آہ ترے کوچے سے کوئی نہ پھرا

جو ستم دیدہ رہا جا کے سو مر کر نکلا

دل کی آبادی کی اس حد ہے خرابی کہ نہ پوچھ

جانا جاتا ہے کہ اس راہ سے لشکر نکلا

اشک تر قطرۂ خوں لخت جگر پارۂ دل

ایک سے ایک عدد آنکھ سے بہہ کر نکلا

کنج کاوی جو کی سینے کی غمِ ہجراں نے

اس دفینے میں سے اقسام جواہر نکلا

ہم نے جانا تھا لکھے گا تو کوئی حرف اے میر

پر ترا نامہ تو اک شوق کا دفتر نکلا

مہر کی تجھ سے توقع تھی ستمگر نکلا

بحر

1

569

اشعار کی تقطیع

تقطیع دکھائیں