| محرم نہیں ہے تو ہی نوا ہائے راز کا |
| یاں ورنہ جو حجاب ہے، پردہ ہے ساز کا |
| رنگِ شکستہ صبحِ بہارِ نظارہ ہے |
| یہ وقت ہے شگفتنِ گل ہائے ناز کا |
| تو اور سوئے غیر نظر ہائے تیز تیز |
| میں اور دُکھ تری مِژہ ہائے دراز کا |
| صرفہ ہے ضبطِ آہ میں میرا، وگرنہ میں |
| طُعمہ ہوں ایک ہی نفَسِ جاں گداز کا |
| ہیں بسکہ جوشِ بادہ سے شیشے اچھل رہے |
| ہر گوشۂ بساط ہے سر شیشہ باز کا |
| کاوش کا دل کرے ہے تقاضا کہ ہے ہنوز |
| ناخن پہ قرض اس گرہِ نیم باز کا |
| تاراجِ کاوشِ غمِ ہجراں ہوا، اسدؔ! |
| سینہ، کہ تھا دفینہ گہر ہائے راز کا |
بحر
|
مضارع مثمن اخرب مکفوف محذوف
مفعول فاعلات مفاعیل فاعِلن |
اشعار کی تقطیع
تقطیع دکھائیں
معلومات