| ہم زباں آیا نظر فکرِ سخن میں تو مجھے |
| مردمک ہے طوطیِ آئینۂ زانو مجھے |
| یادِ مژگانِ بہ نشتر زارِ صحرائے خیال |
| چاہیے بہرِ تپش یک دست صد پہلو مجھے |
| خاکِ فرصت بر سرِ ذاقِ فنا اے انتظار |
| ہے غبارِ شیشۂ ساعت رمِ آہو مجھے |
| اضطرابِ عمر بے مطلب نہیں آخر کہ ہے |
| جستجوئے فرصتِ ربطِ سرِ زانو مجھے |
| چاہیے درمانِ ریشِ دل بھی تیغِ یار سے |
| مرہمِ زنگار ہے وہ وسمۂ ابرو مجھے |
| کثرتِ جور و ستم سے ہو گیا ہوں بے دماغ |
| خوبرویوں نے بنایا ہے اسدؔ بد خو مجھے |
بحر
|
رمل مثمن محذوف
فاعِلاتن فاعِلاتن فاعِلاتن فاعِلن |
اشعار کی تقطیع
تقطیع دکھائیں
معلومات