| رُخِ نگار سے ہے سوزِ جاودانیِ شمع |
| ہوئی ہے آتشِ گُل آبِ زندگانیِ شمع |
| زبانِ اہلِ زباں میں ہے مرگِ خاموشی |
| یہ بات بزم میں روشن ہوئی زبانیِ شمع |
| کرے ہے صِرف بہ ایمائے شعلہ قصہ تمام |
| بہ طرزِ اہلِ فنا ہے فسانہ خوانیِ شمع |
| غم اُس کو حسرتِ پروانہ کا ہے اے شعلہ |
| ترے لرزنے سے ظاہر ہے ناتوانیِ شمع |
| ترے خیال سے رُوح اہتزاز کرتی ہے |
| بہ جلوہ ریزئ باد و بہ پر فشانیِ شمع |
| نشاطِ داغِ غمِ عشق کی بہار نہ پُوچھ |
| شگفتگی ہے شہیدِ گُلِ خزانیِ شمع |
| جلے ہے ، دیکھ کے بالینِ یار پر مجھ کو |
| نہ کیوں ہو دل پہ مرے داغِ بد گمانیِ شمع |
بحر
|
مجتث مثمن مخبون محذوف مسکن
مفاعِلن فَعِلاتن مفاعِلن فِعْلن |
||
|
مجتث مثمن مخبون محذوف
مفاعِلن فَعِلاتن مفاعِلن فَعِلن |
اشعار کی تقطیع
تقطیع دکھائیں
معلومات