| ہو آدمی اے چرخ ترکِ گردشِ ایّام کر |
| خاطر سے ہی مجھ مست کی تائیدِ دورِ جام کر |
| دنیا ہے بے صرفہ نہ ہو رونے میں یا کڑھنے میں تو |
| نالے کو ذکرِ صبح کر گریے کو وردِ شام کر |
| مستِ جنوں رہ روز و شب شہرہ ہو شہر و دشت میں |
| مجلس میں اپنی نقلِ خوش زنجیر کا بادام کر |
| جتنی ہو ذلّت خلق میں اتنی ہے عزّت عشق میں |
| ناموس سے آ در گذر بے ننگ ہو اور نام کر |
| مر رہ کہیں بھی میر جا سر گشتہ پھرنا تا کجا |
| ظالم کسو کا سن کہا کوئی گھڑی آرام کر |
بحر
|
رجز مثمن سالم
مستفعِلن مستفعِلن مستفعِلن مستفعِلن |
اشعار کی تقطیع
تقطیع دکھائیں
معلومات