باغ پا کر خفقانی یہ ڈراتا ہے مجھے - مرزا غالب - عروض

29 جولائی
غزل

مرزا غالب

باغ پا کر خفقانی یہ ڈراتا ہے مجھے

سایۂ شاخِ گل افعی نظر آتا ہے مجھے

جوہرِ تیغ بہ سر چشمۂ دیگر معلوم

ہوں میں وہ سبزہ کہ زہرآب اگاتا ہے مجھے

مدعا محوِ تماشائے شکستِ دل ہے

آئینہ خانے میں کوئی لیے جاتا ہے مجھے

نالہ سرمایۂ یک عالم و عالم کفِ خاک

آسماں بیضۂ قمری نظر آتا ہے مجھے

زندگی میں تو وہ محفل سے اُٹھا دیتے تھے

دیکھوں اب مر گئے پر کون اُٹھاتا ہے مجھے

باغ پا کر خفقانی یہ ڈراتا ہے مجھے

بحر

356

اشعار کی تقطیع

تقطیع دکھائیں