| میرے دل میرے مسافر |
| ہوا پھر سے حکم صادر |
| کہ وطن بدر ہوں ہم تم |
| دیں گلی گلی صدائیں |
| کریں رخ نگر نگر کا |
| کہ سراغ کوئی پائیں |
| کسی یارِ نامہ بر کا |
| ہر ایک اجنبی سے پوچھیں |
| جو پتہ تھا اپنے گھر کا |
| سرِ کوئے نا شنایاں |
| ہمیں دن سے رات کرنا |
| کبھی اِس سے بات کرنا |
| کبھی اُس سے بات کرنا |
| تمہیں کیا کہوں کہ کیا ہے |
| شبِ غم بری بلا ہے |
| ہمیں یہ بھی تھا غنیمت |
| جو کوئی شمار ہوتا |
| ہمیں کیا برا تھا مرنا |
| اگر ایک بار ہوتا |
بحر
|
رمل مثمن مشکول
فَعِلات فاعِلاتن فَعِلات فاعِلاتن |
اشعار کی تقطیع
تقطیع دکھائیں
معلومات