| لطفِ نظارۂ قاتل دمِ بسمل آئے |
| جان جائے تو بلا سے، پہ کہیں دل آئے |
| ان کو کیا علم کہ کشتی پہ مری کیا گزری |
| دوست جو ساتھ مرے تا لبِ ساحل آئے |
| وہ نہیں ہم، کہ چلے جائیں حرم کو، اے شیخ! |
| ساتھ حجاج کے اکثر کئی منزل آئے |
| آئیں جس بزم میں وہ، لوگ پکار اٹھتے ہیں |
| لو وہ برہم زنِ ہنگامۂ محفل آئے |
| دیدہ خوں بار ہے مدت سے، ولے آج ندیم |
| دل کے ٹکڑے بھی کئی خون کے شامل آئے |
| سامنا حور و پری نے نہ کیا ہے، نہ کریں |
| عکس تیرا ہی مگر، تیرے مقابل آئے |
| اب ہے دلی کی طرف کوچ ہمارا غالبؔ! |
| آج ہم حضرتِ نواب سے بھی مل آئے |
بحر
|
رمل مثمن مخبون محذوف مقطوع
فاعِلاتن فَعِلاتن فَعِلاتن فِعْلن |
||
|
رمل مثمن مخبون محذوف مقطوع
فَعِلاتن فَعِلاتن فَعِلاتن فِعْلن |
||
|
رمل مثمن سالم مخبون محذوف
فاعِلاتن فَعِلاتن فَعِلاتن فَعِلن |
||
|
رمل مثمن سالم مخبون محذوف
فَعِلاتن فَعِلاتن فَعِلاتن فَعِلن |
اشعار کی تقطیع
تقطیع دکھائیں
معلومات