(1)_copy_379x532.jpg)
| کھلا ہے یوں ترا پیکر کہ جیسے حسنِ چمن |
| مہک رہا ہے گلستاں میں تیرا سیمیں بدن |
| تبسمِ لبِ جاں بخش سے یہ عالم ہے |
| کھلے ہوں شاخِ گلستاں پہ جیسے پھول و سمن |
| بسی ہے روح میں تیرے خیال کی خوشبو |
| ہوا ہے مشکِ ختن آج میرا فکر و سخن |
| نکھر گیا ہے تری دید سے یہ روئے زمیں |
| لچک رہی ہے جو شاخِ گلِ لطیف بدن |
| حیا کی تیری لالی تری تابِ رخ سے ظاہر ہے |
| شفق کی اوڑھ کے چادر کھڑا ہے حسنِ چمن |
| کسی کی یاد کے جگنو چمکنے لگتے ہیں |
| سیاہ رات میں کھلتا ہے جب ترا آنگن |
| تری جبیں پہ جو چمکا ہے اک ستارہ سا |
| ہوا ہے چاند بھی حیراں بہ رنگِ مہر و لگن |
| وہ تیرے پاؤں کی آہٹ ہو یا کوئی نغمہ |
| سماعتوں میں بسا ہے کوئی سریلا پن |
| ترے جمال کی صورت گری محال ہے اب |
| تھکن سے چور ہے خالدؔ مرا شعور و فن |
معلومات