| یہی صورت بس اب نباہ کی ہے |
| کہ ہر اک بات ہی چھپانی ہے |
| مڑ کے دیکھا ہے یوں لگا تھا مجھے |
| کسی نے زور سے صدا دی ہے |
| تیرے ہونٹوں پہ پھول مرتے تھے |
| تم نے حالت یہ کیا بنا لی ہے |
| آسماں میں اسے میں ڈھونڈتا کیوں |
| ساری مخلوق ہی خدا سی ہے |
| ہنسنا مجھ پر حرام ہو گا آج |
| اس کی آنکھوں میں آج اداسی ہے |
| میں زباں کو تری جو مان لوں سچ |
| تیری آنکھوں میں پھر خرابی ہے |
| بھرا بیٹھا ہے وہ نزاکت سے |
| اُس کے غصے میں بھی ادا سی ہے |
معلومات