| دِل نورِ ہُدیٰ کے نام |
| _____________ |
| نعتِ مصطفیٰ |
| ______________ |
| کلام ابو الحسنین محمد فضلِ رسول رضوی، کراچی |
| ::::::::::::::::::::::::::::::: |
| دِل نورِ ہُدیٰ کے نام |
| اس رازِ خُدا کے نام |
| ہر شوق اٹھے دِل میں |
| اک پاک اَدا کے نام |
| سب دُھول ہَٹادے جو |
| اُس خاص ہَوا کے نام |
| سَب نیند اُڑا دے جو |
| پُر سوز نَوا کے نام |
| سب دَرْد مٹا دے جو |
| اس دَرْد زُدا کے نام |
| جو شاد کرے بیمار |
| اس زُود شِفا کے نام |
| ہر دید کروں قربان |
| ہر آنکھ لِقا کے نام |
| منسوب ہوا اس کا |
| لا چار بَنا کے نام |
| سب چھوڑ گَدائی کر |
| پھر مال گَدا کے نام |
| سب نام کہاں لے گا |
| بس جھوم پِیَا کے نام |
| جو طُور جَلا اک بار |
| وہ طُور حِرا کے نام |
| جب غار بنی پر نور |
| اس ایک ضِیا کے نام |
| ہر نور وہاں صدقے |
| اس نور فَضا کے نام |
| جو طُور بنا دے دل |
| اس طُور نُمَا کے نام |
| جو طَور سکھا دے سب |
| اس راہنُما کے نام |
| غمخوار بنا جب وہ |
| آلام فَنا کے نام |
| مخمور کرے وہ کاش |
| اک بار بُلا کے نام |
| اُس دَر سے پِھرا جو بھی |
| برباد ہَٹا کے نام |
| اَس دَر پہ مِٹا جو بھی |
| سرشار لگا کے نام |
| چل کام بَنا اپنا |
| ان کا تُو سُنا کے نام |
| مَحْشَر میں کہاں گھومے |
| چل پار بَتا کے نام |
| سب پاپ مٹا لے تو |
| رضْوِی یوں دکھا کے نام |
| از ابو الحسنین محمد فضلِ رسول رضوی، کراچی |
معلومات