| سلامیہ اشعار بہ حضور شمس المشائخ قاضی محمد فضل رسول حیدر رضوی قدس سرہ العزیز |
| فضلِ قادر سے ہیں آپ فضلِ رسول |
| نصرتِ دستِ رحمت پہ لاکھوں سلام |
| ربطِ ذاتِ خدا، شرحِ عشقِ رسول |
| مُرْشِدی تیری نسبت پہ لاکھوں سلام |
| نظریں جھک جاتی ہیں تیرے ہوتے ہوئے |
| شیشَہْ روۓ جلالت پہ لاکھوں سلام |
| عالِمِ باصفا مرشدِ با وفا |
| قاضیِ اہلِ سنّت پہ لاکھوں سلام |
| عاشِقِ مصطفیٰ واصِفِ مجتبٰی |
| زینتِ قَصْرِ جنت پہ لاکھوں سلام |
| فضلِ غَوْثُ الوَری پیر فضلِ رسول |
| فضلِ بزمِ طریقت پہ لاکھوں سلام |
| ابنِ سردارِ احمدْ رَضا کا جلال |
| مرشدی کی جلالت پہ لاکھوں سلام |
| اعلی حضرت کا فیضان لے کر چلے |
| اس فِدائے نبوت پہ لاکھوں سلام |
| مصطفیٰ نےدی جن کی بشارت شِتاب |
| اُس نشانِ فضیلت پہ لاکھوں سلام |
| جن پہ فضلِ رسولِ خدا تھا بڑا |
| ایسے فضلِ کرامت پہ لاکھوں سلام |
| حُبِّ احمد سے کرتے رہے روشنی |
| اس سفیرِ محبت پہ لاکھوں سلام |
| شمسِ بزمِ مشائخ رہے بِالْیَقِیں |
| نجمِ فلکِ طریقت پہ لاکھوں سلام |
| وقتِ آخر رہا لب پہ کلْمَہ درود |
| ایسے وقتِ سعادت پہ لاکھوں سلام |
| رضوی دیتا رہے گا صدا برملا |
| ایسے شیخِ طریقت پہ لاکھوں سلام |
| کلام ابو الحسنین محمد فضل رسول رضوی کراچی |
معلومات